على فكرة مش لازم!!

وانتى فى عز المشكله
وسماءك ممطره يا ولدى😥
وطريقك مسدود 
وعماله تشتكى وتفضفضى مع حد
تلاقى الحد ده كانه اتخرج من جامعه هارفارد ودرس فى الازهر واداها وعظ
فطبعا اتقفلتى🤫
عندك حق ولو انتى كمان بتعملى كده فخلينا نراجع نفسنا🤔
لان من احد عوائق التواصلroadblocks هو الوعظ
مش الوعظ عموما لان النصيحه مطلوبه والدين النصيحه
لكن من الحاجات اللى بتقطع التواصل ما بين الناس وبتدمر العلاقات هو الوعظ فى وقت المشكله.

سلسله من اللازم والمفروض
فى وقت الطرف التانى محتاج يتسمع اكتر ومحتاج حد يطبطب عليه
مش وقت نصايح ودراسات!!!!!

شوف ربنا لما امر سيدنا موسى واخوه يروحوا لفرعون ينصحوه
“اذهبا الى فرعون انه طغى فقولا له قولا لينا لعله بتذكر اويخشى”
فرعون طغى فالنبى موسى يكلمه براحه.
فرعون ما كانش فى مشكله لا ده هو اللى عامل مشكله
فنصحه براحه!!!!

اللازم والمفروض مش حيحل
“إن اللَّه رفِيق يحب الرفق ويعطي على الرفق ما لا يعطي على العنف”

Leave a Comment

Your email address will not be published. Required fields are marked *